Davao City – Arestado ang dalawang drug personality sa isinagawang buy-bust operation ng PNP at PDEA sa Km 17, Brgy. Ilang, Davao City, noong Pebrero 10, 2023.
Kinilala ni Police Major Robel Saavedra, Acting Station Commander ng Bunawan Police Station, ang mga suspek na sina alyas “Preng”, 31, ang target sa operasyon at kasama nitong si alyas “Jeffrey”, 20, na parehong residente ng Purok 1, Lambo, Panacan, Davao City na kabilang sa mga drug personality sa lugar.
Ayon kay PMaj Saavedra, naaresto ang mga suspek dahil sa pagbebenta ng ilegal na droga sa nagpanggap na poseur buyer na tauhan ng Bunawan PS at sa pakikipag-ugnayan sa PDEA XI.
Dagdag pa ni PMaj Saavedra, nakuha mula sa mga suspek ang ilang pakete ng hinihinalang shabu na may bigat na humigit kumulang 0.9 gramo na may street market value na Php500 at marked money na ginamit sa operasyon.
Ang mga suspek ay mahaharap sa kasong paglabag sa Section 5 ng Republic Act 9165 o Comprehensive Dangerous Drugs Act of 2002.
Ang mga suspek ay malaking kabawasan sa mga hanay ng gumagawa ng ilegal sa lugar. Nagbabala naman ang PNP na tumigil sa mga masasamang gawain dahil sila ay patuloy sa kanilang mga operasyon kontral ilegal na droga sa lungsod.
Panulat ni Patrolman Alfred Vergara
