Bukidnon – Sa papalapit na Araw ng mga Puso ay nakiisa ang mga miyembro ng Impasug-ong PNP sa isinagawang Bloodletting Activity sa Camp Onahon, Malaybalay City, Bukidnon nito lamang Biyernes, ika-10 ng Pebrero 2023.
Ang aktibidad ay naisagawa sa pangunguna ni Police Lieutenant Leonila Vicente, Deputy Chief of Police ng Impasug-ong Municipal Police Station katuwang ang Bukidnon Provincial Medical Center.
Ang naturang aktibidad ay may temang “Alay kong Dugo Galing sa Puso” na may layuning matulungan ang ating mga kababayan na nangangailangan ng dugo na sumasailalim sa operasyon o may sakit.
Patuloy ang Impasug-ong PNP na makikiisa sa mga programang hatid ay malasakit sa ating mga kababayan para sa pagpapanatili ng payapa at maayos na kalusugan.
Panulat ni Patrolman Joshua Fajardo/RPCADU10
