Isabela – Idineklara bilang Drug-free Workplace ang City Mobile Force Company, Santiago sa ilalim ng pamumuno ni PCol Tirso Manoli na ginanap sa CMFC Parade Ground, Brgy victory Nortel Santiago city noong ika-8 ng Pebrero 2023.
Dumalo sa aktibidad sina PBGen Percival Rumbaoa, Acting Regional Director ng PRO2 at Director II Christy E Silvan, Assistant Regional Director, PDEA, RO2 kung saan nagpahayag ng pagbati sa lahat ng miyembro ng CMFC sa buong tiyaga at sipag upang makamit ang Drug-free Workplace nito.
Samantala, nagpahayag naman ng papuri si PBGen Rumbaoa sa CMFC at muling idiniin na ipagpatuloy ang pagsugpo sa ilegal na droga na siyang ugat ng kriminalidad sa lipunan.
Layunin ng aktibidad na ito na isulong ang pagpapanatili ng kaayusan at kapayapaan ng bayan tungo sa kaunlaran. Higit sa lahat ay makapagbigay ng magandang resulta sa pantay at makatarungang serbisyo ng kapulisan sa komunidad.
Source: CMFC Santiago City
Panulat ni PSSg Jerlyn V Animos
