Nakiisa sa isinagawang Brigada Pagbasa 2023 ang Eastern Nueva Vizcaya National High School ang 1st Maneuver Platoon ng 2nd Nueva Vizcaya PMFC na ginanap sa Brgy. Didipio, Kasibu, Nueva Vizcaya nitong ika-8 ng Pebrero 2023.
Sa pamumuno ng Punong Guro ng paaralan na si Ginoong Oscar T Castro Jr, at sa pakikipagtulungan ni Police Lieutenant Colonel Joberman Videz, Force Commander ay matagumpay na naidaos ang aktibidad.
Aktibo naman na nilahukan ng mga mag-aaral na nasa ika-7 at ika-10 na baytang sa nabanggit na paaralan.
Layunin ng aktibidad na mas palawigin at linangin ang kahusayan sa pagbabasa ng mga mag-aaral.
Samantala ang Pambansang Pulisya ay nagpapaalala sa katagang ibinahagi sa atin ng ating pambansang bayani na si Dr. Jose P Rizal na “Ang Kabataan ay ang Pag-asa ng Inang Bayan”
Source: 2nd Nueva Vizcaya PMFC
Panulat ni PCpl Harry B Padua
