Parañaque City — Tinatayang Php183 milyong halaga ng shabu ang nakumpiska ng Parañaque City Police Station sa isang abandonadong sasakyan nito lamang Huwebes, Pebrero 9, 2023.
Ayon kay PBGen Kirby John Kraft, District Director ng Southern Police District, bandang 5:30 ng hapon ng Pebrero 8, 2023 nang mapansin ni Mark Joseph Espinosa, Barangay Tanod ng Brgy. Tambo ang isang abandonang sasakyan sa kahabaan ng Quirino Avenue corner M Delos Santos Street, Barangay Tambo, Parañaque City.
Dagdag pa ni PBGen Kraft, dakong 2:00 ng madaling araw ng Pebrero 9, 2023, humingi na ng tulong si Espinosa sa Parañaque City Police Tambo Substation, na agad rumesponde ang mga otoridad at isang pulang Toyota Innova ang nadatnan na may plate number CDI 9724.
Dito nakumpiska ng SOCO Parañaque ang 27 vacuum sealed na hinihinalang shabu; isang puting sako; isang puting plastic; isang Lazada box; dalawang photocopies ng OR/CR Toyata Innova na may plate number CDI 9729; isang deed of sale ng Motor Vehicle; isang OR/CR ng Nissan Sentra TKS 429; dalawang photocopies ng driver’s license na pag-aari ni Ma. Teresa Fernandez y Belandres; isang photocopy ng Certificate of Live Birth; isang kopya ng pagtanggap ng bayad; isang TDS at EC meter hold; isang identification card at isang vaccination card na pagmamay-ari ng Patani Barauntong; isang puting Romess Power bank; isang itim na FUBU shirt; isang brown leather Backpack; isang Nissan key; 37 piraso ng Php50; isang official receipt (Maya); at isang J-sport backpack.
Tinatayang 27 kilo ng hinihinalang ilegal na droga na may Standard Drug Price na Php183,600,000 ang nai-turn over sa SPD Forensic Unit.
Patuloy pa rin na iniimbestigahan ng kapulisan ang kinaroroonan ng hindi pa nakikilalang lalaki na nagmamaay-ari ng naturang sasakyan.
Source: SPD PNP
Panulat ni PSSg Remelin M Gargantos
