Misamis Oriental – Pinatunayan ng mga miyembro ng Aviation Security Unit 10, sa pangunguna ng kanilang Hepe na si Police Colonel Peter Madria, ang serbisyong may malasakit sa mamamayan matapos silang makibahagi sa isang “Bloodletting Activity” na isinagawa sa Covered Court ng Barangay Moog, Laguindingan, Misamis Oriental nito lamang umaga ng Pebrero 9, 2023.
Ang naturang aktibidad ay pinangasiwaan ng Barangay Council ng naturang barangay sa pangunguna ni Barangay Chairwoman Gerlinda G. Buray, kasama ang Northern Mindanao Medical Center sa pangunguna ni Dr. Carlo Lubguban, MD at ng Philippine Red Cross.
Nakibahagi ang mga naturang kapulisan sa gawaing ito bilang pagpapakita ng pagmamalasakit sa buhay ng ating mga kababayan na nangangailangan ng dugo at ipakita sa lahat ang magandang dulot ng pagtutulungan.
Patuloy ang ating kapulisan sa pakikilahok sa ganitong gawain alinsunod sa isa sa mga PNP Core Values na “Makatao” at upang makamit ang mga layunin ng programang “Malasakit, Kaayusan, Kapayapaan, tungo sa Kaunlaran” at Revitalized PNP KASIMBAYANAN.
