Sarangani Province – Naaresto ang isang Municipal Most Wanted Person sa isinagawang operasyon ng Maitum Municipal Police Station sa Barangay Mindupok, Maitum, Sarangani Province nito lamang ika-7 ng Pebrero 2023.
Kinilala ng otoridad ang suspek na si alyas “Mar”, 50, residente ng Maitum, Sarangani Province.
Naaresto ang suspek sa bisa ng Warrant of Arrest sa kasong paglabag sa RA 9165 o Comprehensive Dangerous Drugs Act of 2002 ng pinagsanib pwersa ng Maitum MPS at 2nd Sarangani Provincial Mobile Force Company.
Patuloy ang pagtugis ng kapulisan ng PRO 12 sa mga Most Wanted Person upang maging ligtas ang mga mamamayan ng Rehiyon Dose.
Panulat ni Patrolman Jerrald Gallardo
