Bukidnon – Nakiisa sa spiritual enhancement activity ang mga miyembro ng Revitalized Pulis Sa Barangay Valencia City Cluster 1 kaugnay sa KASIMBAYANAN o Kapulisan, Simbahan at Pamayanan Program sa Brgy. Laligan, Valencia City, Bukidnon bandang 12:00 ng tanghali nito lamang Miyerkules, Pebrero 8, 2023.
Ang aktibidad ay pinangunahan ni Pastor Ferdinand Salise ng Victory Chapel Christian Center katuwang sina Police Captain Larry Malhin, Team Lider sa ilalim ng pamumuno ni Police Colonel Reynante Reyes, Provincial Director ng Bukidnon Police Provincial Office.
Ang naturang spiritual enhancement activity ay tuloy-tuloy na ginagawa upang palakasin ang pananampalataya at nagsisilbing paalala na sa pagtupad ng sinumpaang tungkulin ng bawat miyembro ng PNP ay kasama ang Panginoon.
Panulat ni PSSg Grace Neville Ortiz
