Aklan – Namahagi ng school supplies ang Magdalag Municipal Police Station katuwang ang Aklan Lady Riders Club sa mga mag-aaral ng Pang-itan Elementary School na ginanap sa Magdalag, Aklan nito lamang ika-5 ng Pebrero 2023.
Nakilahok din sa naturang aktibidad ang mga miyembro ng Kabataan Kontra Droga at Terorismo, Brgy. Council, Faith-Based Group at mga guro ng nasabing paaralan.
Namahagi ang grupo ng mga kagamitan na school supplies at nagkaroon ng feeding program sa mga mag-aaral ng naturang paaralan.
Bakas sa mukha ng mga bata ang kagalakan sa binahagi ng ating kapulisan at ng Aklan Lady Riders Club gayundin sa iba pang mga volunteers.
Patuloy ang PNP katuwang ang ibang ahensya ng gobyerno sa mga ganitong programa para sa ating mga kababayan upang maipadama ang malasakit at pagmamahal sa kanila.
