Davao City – Arestado ang isang lalaki sa patuloy na isinasagawang Manhunt Charlie Operation ng PNP sa Purok 1 Brgy. Bunawan, Davao City, noong Pebrero 05, 2023.
Kinilala ni Police Major Robel Saavedra, Acting Station Commander ng Bunawan Police Station, ang suspek na si alyas “Roger”, 33, residente ng Laak, San Vicente, Davao De Oro na kabilang sa mga wanted person sa lugar.
Ayon kay PMaj Saavedra, inaresto ang suspek sa bisa ng Warrant of Arrest sa kasong PD 1602 o Illegal Gambling na may Php30,000 piyansang inirekomenda na inihain ng tauhan ng Bunawan PS.
Ang matagumpay na operasyon ay bunga ng magandang ugnayan at pagmamalasakit ng mamamayan at kapulisan sa komunidad na magdadala sa kaayusan at kaunlaran ng bansa.
Panulat ni Patrolman Alfred Vergara
