Laguna – Nakiisa ang Police Regional Office 4A sa simultaneous na pagdiriwang ng 32nd PNP Foundation Day kasabay ng Traditional Monday Flag Raising Ceremony sa PRO4A Kiosk, Camp BGen Vicente Lim, Canlubang, Calamba City, Laguna nito lamang Lunes, Pebrero 6, 2023.
Ang programa ay pinangunahan ni Police Brigadier General Jose Melencio Nartatez, Regional Director, Police Regional Office 4A na may temang “Patuloy na Serbisyong Publiko, Handog ng Pambansang Kapulisan na may Malasakit, Kaayusan at Kapayapaan Tungo sa Kaunlaran ng ating Bayan”.
Dumalo sa naturang programa si Governor Ramil Hernandez, Governor ng Laguna bilang Guest of Honor and Speaker, Regional Command Group Staff, Regional National Support Unit/Offices at mga Local Government Unit ng rehiyon.
Binigyan ng parangal ang mga natatanging PNP personnel at Non-Uniformed Personnel ng Plaque of Appreciation at Medalya para sa huwarang pagganap sa tungkulin kabilang ang ang mga biyuda ng PNP Killed in Police Operation (KIPO) Personnel na nagbigay ng sukdulang sakripisyo at kabayanihan sa pagsasagawa ng serbisyo sa bayan.
Samantala, pinangunahan naman ni Governor Hernandez at PBGen Nartatez Jr ang Wreath Laying Ceremony kasama ang PNP Hero Beneficiaries sa Bantayog ng mga Bayaning Tagapamayapa at nagsagawa ng 21-gun salute.
Ang naturang programa ay bilang pagkilala sa serbisyo ng PNP para sa mamamayan na may malasakit, kaayusan at kapayapaan at handang magsakripisyo upang tuluyan ng makamit ang kapayapaan at kaunlaran sa ating inang bayan.
Panulat ni PEMS Joe Peter Cabugon/RPCADU4A
