Tanay – Naaresto ang isang construction worker sa kasong Statutory Rape matapos mag-apply ng Police Clearance sa Tanay Municipal Police Station nito lamang Lunes, Pebrero 6, 2023.
Kinilala ni Police Lieutenant Colonel Francisco Panisan, Officer-In-Charge ng Tanay Municipal Police Station, ang suspek na si alyas “Joel”, 28, construction worker, residente ng Sitio Maysawa Brgy. Cuyambay, Tanay, Rizal.
Ayon kay PLtCol Panisan, bandang 4:30 ng hapon naaresto ang suspek sa Tanay Municipal Police Station habang nasa proseso ng pagkuha ng Police Clearance matapos natuklasan na may outstanding Warrant of Arrest sa kasong Statutory Rape na walang rekomendadong piyansa.
Ang Tanay PNP ay patuloy na mangangalaga at magbabantay sa seguridad ng mamamayan laban sa mga taong may pagkakasala sa batas upang mapanatili na ligtas at maayos ang komunidad.
Panulat ni PEMS Joe Peter Cabugon/RPCADU4A
