Mt. Province – Nagsagawa ng community outreach program ang mga tauhan ng 2nd Mt. Province Provincial Mobile Force Company sa Brgy. Tocucan, Mt. Province nito lamang ika-4 ng Pebrero 2023.
Ang aktibidad ay pinangunahan ng 2nd Mt. Province Provincial Mobile Force Company katuwang ang Bontoc Municipal Police Station, Officers’ Ladies Club, Bureau of Jail Management and Penology, 54 Infantry Battalion, KKDAT Bontoc, Bontoc Fundamental Baptist Church, CAFGU, mga residente at Barangay Officials ng Tocucan.
Matagumpay ang aktibidad kung saan iba’t ibang serbisyo ang handog ng mga nasabing grupo katulad ng libreng gupit at feeding program sa higit kumulang 23 mag-aaral ng nasabing lugar.
Bukod pa rito ay nagsagawa rin ng clean-up drive, tree planting, cascading ng PNP Patrol Plan 2030 at information drive patungkol sa End Local Armed Conflict o ELCAC.
Taos pusong pasasalamat naman ang naging tugon ng mga residente ng Brgy. Tocucan sa tulong at serbisyong hatid ng mga awtoridad at iba pang ahensya ng pamahalaan.
