Isabela – Nagsagawa ang Cauayan City PNP ng Clean-up Drive sa Brgy. San Fernin, Cauayan City, Isabela nitong ika-3 ng Pebrero 2023.
Katuwang ang RPCADU 2 personnel PCAT-Isabela, Muslim Brothers at mga Sangguniang Kabataan ng naturang barangay sa pagpulot ng mga basura sa kalsada.
Mula sa Barangay Hall ng San Fernin hanggang sa Lucas Subdivision extension ay matiyagang pinulot ang mga kalat na hindi kanais-nais sa paligid lalo na ang mga basura na nakabara sa mga kanal.
Layunin ng aktibidad na ito na makatulong sa pagpapanatili ng kalinisan at kaayusan sa kapaligiran at mahikayat ang mga kabataan sa pakikiisa sa mga aktibidad na kapaki-pakinabang sa komunidad. Sa pamamagitan nito, maiwasan nila na masangkot sa mga ilegal na gawain, bagkus magiging aktibo sila sa mga aktibidad kasama ang PNP.
Source: Cauayan CPS
Panulat ni PSSg Jerlyn V Animos
