Puerto Princesa City – Timbog ang isang High Value Individual sa isinagawang buy-bust Operation ng Puerto Princesa City Police Office sa Purok Bagong Silang, Brgy. San Miguel, Puerto Princesa City noong Ika-3 ng Pebrero 2023.
Kinilala ni Police Colonel Roberto Bucad, City Director ng PPCPO, ang suspek na may alyas na “Jim”, residente ng nasabing lugar.
Ayon kay PCol Bucad, naaresto ang suspek sa isinagawang buy-bust operation ng mga tauhan ng Puerto Princesa City Police Office matapos itong nabilhan ng isang pakete ng pinaghihinalaang shabu na nagkakahalaga ng Php500.
Maliban dito, nakumpiska pa mula sa suspek ang apat pang pakete ng ilegal na droga na nagkakahalaga naman ng Php5,000.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
“Makakaasa po kayo na ang Puerto Princesa City Police Office ay patuloy sa pagsasagawa ng mga operasyon upang hulihin at panagutin ang mga taong may pananagutan sa ating Saligang Batas”, ani Police Colonel Roberto Bucad, City Director ng PPCPO.
Panulat ni Patrolman Erwin Calaus
