Misamis Oriental – Isinagawa ang Community Outreach Program ng mga tauhan ng Misamis Oriental PNP sa Sitio Kamansi, Brgy. Banglay, Lagonglong, Misamis Oriental nito lamang Sabado, Pebrero 4, 2023.
Pinangunahan mismo ang aktibidad ni Police Colonel Gonzalo Villamor, Provincial Director ng Misamis Oriental Police Provincial Office, kaagapay ang Lagonglong Municipal Police Station, Misamis Oriental 1st Provincial Mobile Force Company, Philippine Army, Team 4×4 CDO, Order of the Amaranth at Barangay Officials ng nasabing barangay.
Dito namigay ng foodpacks na naglalaman ng bigas delata at school supplies naman ang handog para sa mga kabataan.
Nagkaroon din ng pamimigay at pagkakabit ng solar lights na kanilang magagamit upang magsilbing ilaw sa kanilang lugar.
Ngiti na may pag-asa naman ang naging sukli ng mga benepisyaryo sa grupo na nagpaabot ng tulong sa kanilang lugar.
Patunay lamang na kahit malayo ay handang puntahan ng Pambansang Pulisya upang makapagbigay ng tulong at serbisyo sa ating kababayan at ito rin ay kaugnay sa Revitalized PNP KASIMBAYANAN o Kapulisan, Simbahan at Pamayanan na naglalayon na abutin ang mga Geographically Isolated Disadvantage Areas upang mabigay ang dekalidad na serbisyo sa lahat ng mamamayan.
Panulat ni Patrolman Edwin Baris/RPCADU10
