Kalinga – Nagsagawa ng Tree Planting Activity ang mga tauhan ng 1st Kalinga Provincial Mobile Force Company bilang partisipasyon sa naganap na 2023 Boy Scout and Girl Scout of the Philippines Joint District Encampment sa Wagud Elementary School, Wagud, Pinukpuk, Kalinga nito lamang Sabado, Pebrero 4, 2023.
Nanguna sa aktibidad ang mga miyembro ng 1st Kalinga Provincial Mobile Force Company sa ilalim ng pamumuno ni Police Captain Joseph Ateo-an Jr, Force Commander, katuwang ang Delta Company ng 50 Infantry Battalion, 5th Infantry Division ng Philippine Army, at mga estudyanteng miyembro ng Boy Scout and Girl Scout of the Philippines ng nasabing paaralan.
Nakapagtanim ng 50 assorted seedlings gaya ng rambutan, lansones at santol ang nasabing grupo sa paligid ng paaralan.
Ang Kalinga PNP ay patuloy sa pagsasagawa at nakikiisa sa mga programang may kinalaman sa pangangalaga ng kalikasan katuwang ang iba’t ibang sektor ng pamahalaan at komunidad.
Source: 1st Kalinga Provincial Mobile Force Company
