Bukidnon – Isinagawa ng mga tauhan ng Bukidnon 2nd Provincial Mobile Force Company ang Revitalized PNP KASIMBAYANAN o Kapulisan, Simbahan at Pamayanan Program sa Brgy. Embayao, Covered Court, Don Carlos, Bukidnon bandang 8:00 ng umaga nito lamang Sabado, Pebrero 4, 2023.
Ang aktibidad ay pinangunahan ni Police Lieutenant Colonel Kaddafy Bitor, Company Commander ng Bukidnon 2nd Provincial Mobile Force Company katuwang si Pastor Christopher Hunter, Kabataan Kontra Droga At Terorismo (KKDAT) Don Carlos Officers, BS Criminology Interns, Local Government Unit ng Don Carlos at stakeholders.
Nagkaroon ng Drug Symposium, pamimigay ng personal hygiene kits at food packs para sa mga residente.
Naghatid naman ng ngiti ang parlor games, pamimigay ng libreng tsinelas, iba’t ibang laruan, school supplies, libreng gupit, mainit na lugaw at juice sa mga kabataan.
Samantala, kaalaman naman ang hatid ng mobile library na hatid ng ating pulisya kung saan masigasig na nagturo ang ating mga titser na pulis sa pamamagitan ng storytelling, pagbabasa at pagsusulat.
Pasasalamat naman ang tugon ng 150 benepisyaryo ng naturang aktibidad.
Patuloy ang panawagan ni PLtCol Bitor sa kanyang nasasakupan na suportahan ang lahat ng programa ng PNP at pamahalaan tungo sa pag-abot ng isang payapa, maayos at maunlad na komunidad.
Source: Bukidnon 2nd Provincial Mobile Force Company
Panulat ni PSSg Grace Neville Ortiz
