Davao Oriental – Arestado ang isang indibidwal sa isinagawang buy-bust operation ng Mati PNP sa Purok Dafilla, Barangay Dahican, Mati City, Davao Oriental, noong Pebrero 3, 2023.
Kinilala ni Police Lieutenant Colonel Ernesto Gregore, Acting Chief of Police ng Mati City Police Station, ang suspek na si alyas “Din-Din”, 54, residente ng Santa Cruz, Davao Del Sur na tinaguriang Top 8 High Value Individual sa Regional Level.
Ayon kay PLtCol Gregore, naaresto ang suspek sa isinagawang buy-bust operation ng pinagsamang tauhan ng Mati CPS at Police Drug Enforcement Unit Davao Oriental Police Provincial Office kasama ang Regional Intelligence Unit 11 katuwang ang PDEA XI.
Dagdag pa ni PLtCol Gregore, nakuha mula sa suspek ang ilang pakete ng hinihinalang shabu na may bigat na humigit kumulang na 7 gramo at may street market value na Php54,400 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang Police Regional Office 11 ay hindi titigil sa kanilang mga operasyon kontral ilegal na droga sa lungsod upang makamit nila ang kanilang layunin na gawing drug-free ang rehiyon onse.
Panulat ni Patrolman Alfred Vergara
