Cebu City – Kalaboso ang isang lalaking tulak ng droga matapos makumpiskahan ng nasa Php170,000 halaga ng shabu sa ikinasang buy-bust operation ng Police Station 3 ng Cebu City Police Office nito lamang Huwebes, Pebrero 2, 2023.
Kinilala ni Police Major Henry Orbiso, Station Commander ng Police Station 3, ang nahuling suspek na si alyas “Pablo”, 20, residente ng Sitio Lawis, Brgy. Lorega, San Miguel, Cebu City.
Ayon kay Police Major Orbiso, naaresto ang suspek dakong alas-6:35 ng gabi ng mga operatiba ng naturang istasyon sa Sitio Silangan 2, Brgy. Tejero ng nasabing lungsod.
Nasabat sa suspek ang nasa 25 gramo ng hinihinalang shabu na may Standard Drug Price na Php170,000, isang coin purse, at buy-bust money.
Nahaharap ang suspek sa kasong paglabag sa Sec. 5 at 11, Art. II ng RA 9165 o Comprehensive Dangerous Drugs Act of 2002.
Ang matagumpay na operasyon ay bahagi ng patuloy na pagsasakatuparan ng pinaigting na kampanya ng PNP kontra ilegal na droga maging sa lahat ng uri ng kriminalidad para sa pagpapanatili ng kaayusan at kapayapaan ng komunidad.
