Iligan City – Nasagip ang isang 18 anyos na lalaki na biktima ng pandurukot ng mga operatiba ng Anti-Kidnapping Group na nagresulta sa pagkakahuli ng tatlong suspek sa Purok 5, Ilang-ilang, Brgy. Sta Felomina, Iligan City nito lamang Martes, Enero 31, 2023.
Kinilala ni Police Brigadier General Rodolfo Castil Jr, Director ng PNP Anti-Kidnapping Group, ang tatlong naarestong suspek na sina alyas “Mar”, 32, negosyante, residente ng Dimalna-2 MSU, Marawi City; alyas “Inom”, 39, drayber, residente ng Madaya, Marawi City; at alyas “Sam”, 19, at residente ng Brgy. Matampay, Marawi City.
Ayon sa biktima na si alyas “Abdul”, siya ay dinukot ng tatlong suspek sa Tagum City noong Oktubre 2, 2022 habang kasama si Raisah sa bus terminal ng naturang siyudad.
Nang kalaunan ay humingi ng ransom money sa pamilya ng biktima ang tatlong suspek na aabot sa Php3,400,000 kapalit ng paglaya nito.
Narekober sa operasyon ang isang Toyota Innova na may Plate No. ZTS 113 na nakarehistro sa isang residente ng Bauyaan Lilod, Ditsaan-Ramain, Lanao del Sur.
“I would like to commend our personnel in PNP-AKG Mindanao Field Unit for always being on top of the situation to save the kidnap victim from the hands of his abductors. This is another significant accomplishment manifesting the unit’s capability, dedication and professionalism in handling kidnapping incident anywhere in the country”, pahayag ni PBGen Castil.
Panulat ni Patrolman Edwin Baris/RPCADU10
