Nueva Vizcaya – Nasabat sa isang lalaki ang nasa Php195K halaga ng ilegal na droga sa PNP buy-bust operation na inilunsad ng Nueva Vizcaya PNP sa Junction ng National Highway, Brgy. Tuao North, Bagabag, Nueva Vizcaya noong Miyerkules ng madaling araw nito lamang ika-01 ng Pebrero 2023.
Kinilala ni Police Colonel Camlon Nasdoman, Provincial Director ng NVPPO, ang nadakip na suspek na si Vicente Yagyaken na may alyas na “Lapao”, 51, residente ng Brgy. Pacang, Tocucan, Bontoc, Mt. Province.
Ayon kay PCol Nasdoman, naaresto ang supek sa ikinasang buy-bust operation sa pinagsanib puwersa ng Provincial Drug Enforcement Group, Special Operation Unit 2, (lead Unit), Regional Drug Enforcement Unit 2, PDEA Nueva Vizcaya at Bagabag PS.
Nakumpiska mula sa suspek ang limang medium size plastic sachet ng hinihinalang shabu na may timbang na 25 gramo na may Standard Drug Price na Php195,000, iba’t ibang uri ng drug paraphernalia at buy-bust money.
Nahaharap ang suspek sa kasong paglabag ng RA 9165 o Comprehensive Dangerous Drugs Act of 2002.
Patuloy ang pinaigting na pagsasagawa ng anti-criminality at anti-drug operations ng Novo Cops upang masawata ang lahat ng uri ng krimen at mapanatili ang kaayusan at kapayapaan sa komunidad.
Source: Nueva Vizcaya PPO
Panulat ni Police Staff Sergeant Jermae D Javier
