Lanao del Sur – Tinatayang Php1,700,000 halaga ng shabu ang nasabat sa isang lalaki sa isinagawang buy-bust operation ng Kapatagan Municipal Police Station at PDEA Regional Special Enforcement Team BARMM (lead unit) sa Barangay Daguan, Kapatagan, Lanao del Sur nito lamang ika-31 ng Enero 2023.
Kinilala ang naarestong suspek na si Samsodin Gundarangin Diarolah, 35, residente ng Barangay Pagalamatan, Balabagan, Lanao del Sur.
Nakumpiska mula sa suspek ang Php1.7 Milyong halaga ng shabu at isang yunit ng Honda XRM 125 motorcycle.
Ang imbentaryo at dokumentasyon ng suspek at nakumpiskang mga ebidensya ay sinaksihan ng Municipal Councilor ng naturang munisipalidad at dinala sa PDEA BAR para sa pagsasampa ng kaukulang kaso.
Samantala, pinuri ni Police Brigadier General John Gano Guyguyon, Regional Director ng PRO BAR, ang walang humpay na pagsisikap ng kapulisan ng PRO BAR sa kampanya kontra sa ilegal na droga.
Panulat ni Patrolman Charlie Nasroden Corpuz
