Caloocan City — Nagsagawa ng Medical Mission ang mga tauhan ng 5th Mobile Force Company ng Regional Mobile Force Battalion ng NCRPO bandang alas-9:00 ng umaga sa Noah Street, Kingstown Village, Barangay 171, Caloocan City nito lamang Miyerkules, Pebrero 1, 2023.
Ang naturang aktibidad ay pinangasiwaan ni Police Major Mark Ronan Balmaceda, Company Commander, sa gabay ni Police Colonel Jonathan G Calixto, Force Commander ng RMFB-NCRPO.
Naisakatuparan ang programa sa pakikipagtulungan ni Dr. G Sabino, Social Welfare Department ng Barangay 171 kasama ang mga Barangay-Based Advocacy Support Group.
Namahagi ang grupo ng libreng gamot, bitamina, at alkohol sa mga residente at nagkaroon din ng libreng mga konsultasyon, at iba pang serbisyong medikal upang matulungan ang mga mamamayan na walang sapat na kakayanan upang makapagpagamot.
Layunin ng programang ito ng PNP na maipadama ang malasakit sa ating mga kababayang mahihirap at maipakita na hindi sila nakakalimutan ng gobyerno.
Source: RMFB NCRPO
Panulat ni PSSg Remelin Gargantos
