Cagayan de Oro City – Tinatayang nasa Php408,000 halaga ng hinihinalang shabu ang nasabat sa ikinasang joint buy-bust operation ng mga awtoridad sa Zone 8, Brgy. Carmen, Cagayan de Oro City nito lamang Miyerkules, ika-1 ng Pebrero 2023.
Kinilala ni Police Colonel Aaron Mandia, City Director ng Cagayan De Oro Police Office, ang suspek na si alyas “Mik-Mik”, 33 at residente ng Zone 8, Carmen, Cagayan de Oro City.
Ayon kay PCol Mandia, dakong 9:15 ng gabi sa nasabing lugar ay nadakip ang suspek sa ikinasang joint buy-bust operation ng mga operatiba ng COCPO – City Drug Enforcement Unit at COCPO – City Intelligence Unit.
Ayon pa PCol Mandia, nakumpiska sa operasyon ang apat na pakete na hinihinalang shabu na may kabuuang bigat na 60 gramo na nagkakahalaga na Php408,000 at isang white cellular phone box.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang Cagayan de Oro PNP ay hindi tumitigil na labanan at sugpuin ang ilegal na droga at kriminalidad upang mapanatili ang kaayusan at kapayapaan tungo sa kaunlaran ng nasasakupang syudad.
Panulat ni Patrolmn Joshua Fajardo/RPCADU10
