Davao City – Arestado ang isang lalaki sa isinagawang buy-bust operation ng Sasa PNP sa Barangay Angliongto, Davao City, noong Enero 30, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “Libat”, 26, residente ng Coaco Beach Barangay Pampanga, Davao City na tinaguriang Top 1 High Value Individual sa station level.
Ayon kay PMaj Goles, naaresto ang suspek sa isinagawang buy-bust operation ng pinagsamang tauhan ng Sasa PS at 1105th Maneuver Company, Regional Mobile Force Battalion 11 kasama ang Davao City Maritime Police Station at sa pakikipag-ugnayan sa PDEA XI.
Dagdag pa ni PMaj Goles, nakuha mula sa suspek ang ilang pakete ng hinihinalang shabu na may bigat na humigit kumulang 0.32 gramo na may street market value na Php5,120 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang Police Regional Office 11 ay hindi titigil sa kanilang mga operasyon kontral ilegal na droga sa lungsod upang makamit ang kanilang layunin na gawing drug-free ang rehiyon onse.
Panulat ni Patrolman Alfred Vergara
