Pangasinan – Arestado ng Bayambang PNP ang isang Most Wanted Person sa Brgy. Paragos, Bayambang, Pangasinan nito lamang Enero 30, 2023.
Kinilala ni Police Lieutenant Colonel Rommel P Bagsic, Officer-in-Charge ng Bayambang Police Station, ang suspek na si alyas Randy, 45, at residente ng Brgy. Paragos, Bayambang, Pangasinan.
Ayon kay PLtcol Bagsic, naaresto ang suspek bandang 5:30 ng gabi sa Brgy. Paragos, Bayambang, Pangasinan ng mga operatiba ng Bayambang Police Station.
Ayon pa kay PLtCol Bagsic, naaresto ang suspek sa bisa ng Warrant of Arrest sa kasong Qualified Theft, paglabag sa RA 7610 o Special Protection of Children Against Abuse, Exploitation and Discrimination Act at RA 10591 o Comprehensive Firearms and Ammunition Regulation Act at walang rekomendadong piyansa.
Ang PNP Bayambang ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad.
Source: Bayambang, Police Station
Panulat ni Patrolman Dennis P Carinal
