Isabela – Nagsagawa ang Santiago PNP sa ilalim ng pamumuno ni PCpt Hassan Nor Damac ng symposium para sa National Drug Education Program (NDEP) sa Naggasican National High School, Naggasican, Santiago City, Isabela noong ika-30 ng Enero 2023.
Tinalakay ni PSMS Ryan Lopez ang mga paksa hinggil sa masasamang epekto at dulot ng ilegal na droga.
Ipinaliwanag din niya kung anu-ano ang mga batas na malalabag at maaaring maging kaso kapag gumamit at nasangkot sa ipinagbabawal na gamot. Naging aktibo naman ang mga mag-aaral sa pakikinig at ang iba ay nagkaroon pa ng mga katanungan.
Layunin ng aktibidad na ito na maimulat ang mga kabataan sa pag-iwas sa ipinagbabawal na gamot upang hindi masangkot sa mga ilegal na gawain sa komunidad. Isang paraan ito nang paggabay ng kapulisan sa kabataan bilang pagpapakita ng malasakit sa kanila.
Source: Police Station 4, Santiago City
Panulat ni PSSg Jerlyn V Animos
