Negros Occidental – Nahuli ng San Carlos City PNP ang dalawang magkasintahan sa isinagawang drug buy-bust operation sa San Julio Subdivision, Barangay 2, San Carlos City, Negros Occidental noong Enero 29, 2023.
Kinalala ni Police Lieutenant Colonel Jesus Mesahon Jr, Hepe ng San Carlos City PNP, ang mga suspek na sina Oscar Siroy Jr., 30, isang street level individual at ang nobya nitong si Mariel Paslon, 24, parehong mga residente ng nabanggit na lugar.
Sa pagkakaaresto ng dalawa ay nakuha sa kanilang posesyon ang 17 pakete ng pinaghihinalaang shabu na may tinatayang timbang na 26 gramo na may halagang Php176,800, mga drug paraphernalia, cellphone at Php600 na buy-bust money.
Samantala, ang magkasintahan ay mahaharap sa kasong paglabag sa R.A. 9165 o Comprehensive Dangerous Drugs Act of 2002.
Ang matagumpay na operasyon ng San Carlos City PNP ay patunay lamang na ang ating kapulisan ay patuloy sa mas pinagting na kampanya kontra ilegal na droga.
