Batangas City – Nagsagawa ng Blessing at Ceremonial Turn-over ng 296 Firearms at 10 bagong motorsiklo ang Batangas Police Provincial Office sa Camp General Malvar, Brgy. Ilaya, Batangas City ganap na 8:00 ng umaga nito lamang Lunes, Enero 30, 2023.
Ang aktibidad ay pinangunahan ni Police Colonel Pedro Soliba, Provincial Director ng Batangas Police Provincial Office.
Tinatayang 260 unit na Emtan Caliber 5.56, 28 Girsan caliber 9mm, anim na Taurus, dalawang Canik, mga magazines at mga bala ng Cal 9mm at 5.56.
Samantala, 10 units ng bagong Honda XR 150 motorcycles ang ibinahagi para sa 10 police stations ng Batangas PPO para palakasin ang patrol capabilities.
Nagpaabot ng taos-pusong pasasalamat ang Batangas PPO kay Police Brigadier General Jose Melencio Nartatez Jr, Regional Director ng CALABARZON sa paglaan ng mga bagong kagamitan na malaking tulong upang mas epektibo at dekalidad ang trabaho ng pulisya para mapanatiling ligtas at maayos ang komunidad.
Panulat ni PEMS Joe Peter Cabugon/RPCADU4A
