Zamboanga City – Arestado ang isang lalaki sa isinagawang law enforcement operation ng mga awtoridad nito lamang Enero 31, 2023.
Kinilala ni Police Colonel Alexander Lorenzo, Acting City Director ng Zamboanga City Police Office, ang naaresto na si alyas “Ammer”, 20, walang asawa at residente ng Purok 3, Bagong Dalan, Brgy. Tugbungan, Zamboanga City.
Ayon kay PCol Lorenzo, bandang 9:06 ng umaga nang naaresto ang suspek sa San Ramon Prison and Penal Farm, Brgy. Talisayan, Zamboanga City ng mga operatiba ng Zamboanga City Police Station 6, 1st Zamboanga Mobile Force Company at Regional Intelligence Division 9 sa bisa ng Warrant of Arrest sa kasong RA 9165 o The Comprehensive Dangerous Drugs Act of 2002 na may inirekomendang piyansa na Php200,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Roneald Tumonong/RPCADU9
