Mountain Province – Nadiskubre ng mga tauhan ng Mt. Province Police Provincial Office, Regional Mobile Force Battalion 15 at Philippine Army ang iba’t ibang kagamitan ng Communist Terrorist Group (CTG) sa Bontoc, Mt. Province nito lamang ika-30 ng Enero 2023.
Ayon kay Police Brigadier General Mafelino Bazar, Regional Director ng Police Regional Office Cordillera, nagsagawa ng operasyon ang mga awtoridad na nagresulta sa pagkakadiskubre at pagkakarekober ng mga kagamitan ng naturang grupo.
Ayon pa kay PBGen Bazar, kasama sa mga narekober ang isang improvised explosive device; isang upper M16 receiver (barrel); dalawang pirasong mapa; 51 piraso ng cartridge (5.56 ball); isang M16 selector; isang M16 bolt; isang M16 forward assist; dalawang piraso ng bolt cam pin; isang M16 plastic short magazine; isang M16 hand guard at medical supplies.
Patuloy naman ang paghikayat ng Pambansang Pulisya at kasundaluhan sa mga natitira pang miyembro ng teroristang grupo na magbalik-loob sa pamahalaan upang makapamuhay ng payapa at may katahimikan.
Source: Police Regional Office Cordillera
