Cebu City – Arestado ang 33-anyos na lalaking tulak ng droga matapos makuhanan ng nasa 110 gramo ng shabu na may halagang Php748,000 sa buy-bust operation na inilunsad ng mga operatiba ng Police Station 9 ng Cebu City Police Office (CCPO) sa Singson St., Brgy. Guadalupe, Cebu City, noong Biyernes, Enero 27, 2023.
Kinilala ni Police Colonel Ireneo Dalogdog, City Director ng CCPO, ang suspek na si alyas “Alko”, residente ng Sitio Laguna, Brgy. Bulacao Pardo, Cebu City, na nadakip bandang alas-10:45 ng gabi nang naturang araw sa operasyon na pinangunahan ni Police Major Armando Labora, Station Commander ng PS 9.
Ang suspek ay nahaharap sa kasong paglabag sa Sec. 5 at 11 Art. II ng RA 9165 (Comprehensive Dangerous Drugs Act of 2002).
Ang matagumpay na pagsasakatuparan ng operation at pagkakadakip sa suspek ay bunga at bahagi ng pinaigting na kampanya kontra ilegal na droga at sa buong linggong Simultaneous Anti Criminality Law Enforcement Operations (SACLEO) ng Cebu City PNP.
