Cebu City – Timbog sa Simultaneous Anti-Criminality Law Enforcement Operations (SACLEO) ng Carbon Police Station ang 27 anyos na lalaki matapos makuhanan ng isang kilo ng marijuana sa El Filibusterismo St., Barangay Ermita, Cebu City nito lamang Biyernes, Enero 27, 2023.
Kinilala ni Police Major Keneth Paul Cabale Albotra, Station Commander ng Carbon PNP, ang suspek na si alyas “Bogz”, residente ng Sitio Rotola, Barangay Guadalupe, Cebu City.
Ayon kay PMaj Albotra, naaresto ang suspek dakong 9:25 ng gabi matapos maberipika ng mga tauhan ng Carbon Police Station (PS5) ang mga ilegal na transaksyon nito.
Nakuha mula rito ang nasa 1 kilo ng marijuana na nagkakahalaga ng Php120,000.00 (Standard Drug Price Value).
Mahaharap ang suspek sa kasong paglabag sa Section 5 at 11, Article II ng RA 9165 o ang Comprehensive Dangerous Drugs Act of 2002.
Tuloy-tuloy ang isinasagawang operasyon ng buong kapulisan ng Cebu City upang mahuli ang mga personalidad na nasa likod ng kalakalan ng ilegal na droga sa lungsod upang makamit ang isang ligtas, mapayapa at maunlad na pamayanan.
