South Cotabato – Himas rehas ngayon ang isang lalaki matapos ihain sa kanya ng Norala PNP ang Warrant of Arrest nito sa kasong Statutory Rape sa Purok Daisy, Brgy. Poblacion, Norala, South Cotabato nito lamang Enero 28, 2023.
Kinilala ni Police Lieutenant Colonel Amor Mio I Somine, Hepe ng Koronadal City Police Station, ang dinakip na suspek na si alias “Kim”, 19, estudyante at residente ng Purok Quezon 2, Brgy. Concepcion, Koronadal City, South Cotabato.
Ayon kay PLtCol Somine, inaresto ng kapulisan si alyas “Kim” sa bisa ng Warrant of Arrest na walang piyansa na itinakda ng korte.
Ayon pa kay PLtCol Somine, ang operasyon ay ikinasa ng pinagsanib pwersa ng mga otoridad ng Koronadal City Police Station (Lead unit), RID 12, Tracker Team Charlie, 1st SCPMFC Intel, CIDG South Cotabato PFU at Highway Patrol Group South Cotabato.
Ang pagkakaaresto sa suspek ay tanda ng epektibong pagganap ng kapulisan sa kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Koronadal City Police Station
Panulat ni Patrolman Khnerwin Jay A Medelin
