Bukidnon – Nakiisa ang mga tauhan ng Revitalized-Pulis sa Barangay Valencia City Cluster 2 sa paglalagay ng Solar Light sa Purok -7, Brgy. San Carlos, Valencia City, Bukidnon nito lamang ika-28 ng Enero 2023.
Ang naturang aktibidad ay pinangunahan ni Police Master Sergeant Marlon Escobio, sa ilalim ng pamumuno ni Police Colonel Reynante Reyes, Provincial Director ng Bukidnon Police Provincial Office, kasama si Chairwoman Mariza Labe, at Barangay Kagawad Junnie Gabucan.
Ang nasabing solar streetlight ay magbibigay liwanag sa madidilim na bahagi ng daanan sa Brgy. San Carlos at ito ay isa lamang sa Quick Impact Projects ng R-PSB Cadres ng Valencia City Cluster 2 na nagsusumikap at inuuna ang kapakanan at kaligtasan ng mga residente at motorista sa naturang lugar.
Ang Pambansang Pulisya ay patuloy sa pakikiisa na makapagbigay ng serbisyong may malasakit at hinihikayat ang komunidad na suportahan ang mga programa at layunin ng PNP para sa ikauunlad ng ating bansa.
Panulat ni Patrolman Baydid/RPCADU10
