Camarines Norte – Arestado ang isang lalaki sa isinagawang buy-bust operation ng mga operatiba ng Camarines Norte PNP sa Purok 6, Barangay Bagumbayan, Paracale, Camarines Norte nito lamang Enero 26, 2023.
Kinilala ni Police Major Fernand Segundo, Chief of Police ng Paracale Municipal Police Station, ang naarestong suspek na si alyas “Tiko”, 30, driver, may kinakasama at residente ng Purok Molave, Barangay Poblacion Norte, Paracale, Camarines Norte.
Naaresto ang suspek bandang 5:30 ng hapon sa nabanggit na lugar ng pinagsanib na operatiba ng Paracale Municipal Police Station, Camarines Norte Provincial Intelligence Unit at sa pakikipag-ugnayan sa PDEA RO5.
Nakumpiska mula sa suspek ang dalawang selyadong plastik na pakete ng hinihinalang shabu na may kabuuang timbang na dalawang gramo na may Standard Drug Price na Php12,000.
Mahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Sinisiguro ng PNP Bicol na patuloy ang kanilang kampanya laban sa ilegal na droga o sa lahat ng uri ng kriminalidad upang mapanatili ang kaligtasan at kapayapaan para sa mamamayan lalo na sa mga kabataan at para sa kanilang magandang kinabukasan.
Source: Camarines Norte PPO
