Quezon – Tinatayang Php171,156 na halaga ng shabu ang nasabat sa dating lider ng Amora Drug Group at isang High Value Individual sa buy-bust operation ng Quezon PNP at PDEA 4A sa Happy Valley Brgy. Ibabang Dupay, Lucena City, Quezon nito lamang Biyernes, Enero 27, 2023.
Kinilala ni Police Colonel Ledon Monte, Provincial Director ng Quezon Police Provincial Office, ang dalawang suspek na sina alyas “Buchoy”, 36, dating lider ng Amora Drug Group at alyas “Via”, 37, vendor, pawang mga residente ng Bangkok Street, University Site Subdivision, Lucena City.
Ayon kay PCol Monte, bandang 10:19 ng gabi naaresto ang dalawang suspek ng pinagsanib na puwersa ng Provincial Drug Enforcement Unit Quezon, Provincial Intelligence Unit Quezon, Philippine Drug Enforcement Agency 4A Quezon at Lucena City Police Station Special Drug Enforcement Unit.
Narekober sa dalawang suspek ang limang piraso na heat-sealed transparent plastic sachets na naglalaman ng hinihinalang shabu na tumitimbang ng 8.39 gramo na nagkakahalaga ng tinatayang Php171,156, isang blue ID pouch, isang unit Blue Yamaha Mio at tatlong pirasong Php1,000 bill na ginamit bilang buy-bust money.
Ang buong pwersa ng Quezon PNP ay hindi titigil sa pagsugpo sa ilegal na droga upang tuluyan ng mawakasan ang anumang uri ng kriminalidad at terorismo at mapanatili na ligtas at maayos ang komunidad.
Panulat ni Joe Peter Cabugon/RPCADU4A
