Cagayan – Napasaya ang nasa 20 na bata sa libreng meryenda na handog ng tauhan ng Solana Police Station sa kanilang pag-iikot sa Barangay Lanna, Solana, Cagayan nito lamang ika-29 ng Enero 2023.
Ayon kay Police Lieutenant Colonel Darwin John Urani, Hepe ng Solana PS, layunin ng aktibidad na mailapit ang loob ng mga bata sa kapulisan at alisin ang takot ng mga ito sa kanila.
Samantala, ngiti naman ang isinukli ng mga bata sa mga kapulisan bilang pasasalamat.
Alinsunod ang aktibidad sa Peace and Security Framework ng Pambansang Pulisya na MKK=K o Malasakit, Kaayusan, Kapayapaan tungo sa Kaunlaran.
Ipinapadama ng Pambansang Pulisya na sila ay handang magserbisyo publiko at handang tumugon lalo na sa oras ng pangangailangan.
Source: Solana Police Station
Panulat ni Police Corporal Carla Mae P Canapi
