Quezon – timbog ang isang construction worker sa kasong Homicide sa ikinasang operasyon ng mga tauhan ng Dolores Municipal Police Station sa Brgy. Sta Lucia, Dolores, Quezon bandang 1:00 ng hapon nito lamang Biyernes, Enero 27, 2023.
Kinilala ni Police Major Jollymar Seloterio, Officer-In-Charge ng Dolores MPS, ang suspek na si alyas “Deliver”, 59, construction worker at residente ng Brgy. Bagong Silang, Perez, Quezon.
Naaresto ang suspek sa bisa ng Warrant of Arrest sa kasong Homicide (RPC Art. 249) na may Criminal Case No. 04-1964.
Ang Dolores PNP ay patuloy na magsasagawa ng pinaigting na operasyon laban sa may pananagutan sa batas sa pakikipagtulungan at suporta ng mamamayan upang mapanatili ang maayos at ligtas na komunidad.
Panulat ni PEMS Joe Peter Cabugon/ RPCADU4A
