Bulacan – Boluntaryong nagbalik-loob ang isang dating rebelde sa mga awtoridad sa San Rafael, Bulacan nito lamang Huwebes, ika-26 ng Enero 2023.
Ayon kay Police Colonel Reply Arneldo, Provincial Director ng Bulacan Police Provincial Office, boluntaryong sumuko si alyas “Ka Brando”, 50, miyembro ng Hukbong Mapagpalaya ng Bayan ng CPP-NPA-NDF.
Dagdag ni PCol Arneldo, nahikayat ng 1st at 2nd Provincial Mobile Force Company ng Bulacan PPO at 70th Infantry Battalion ng Philippine Army ang dating rebelde na bumalik sa gobyerno at mamuhay ng tahimik kasama ang kanilang pamilya.
Sinisikap ng Bulacan PNP ang patuloy na panghihikayat sa mga Bulakenyo na makibahagi sa programa ng ating pamahalaan para sa magandang kinabukasan ng bawat isa.
Source: Bulacan Police Provincial Office
Panulat ni Police Corporal Jeselle Rivera/RPCADU3
