Iloilo City – Timbog ang 32 suspek sa ikinasang buy-bust operation ng mga operatiba ng Regional Police Drug Enforcement Unit 6 (RPDEU 6) at Iloilo City Police Station 5 sa Zone 2, Brgy. Bakhaw, Mandurriao, Iloilo City bandang 11:00 ng gabi nito lamang ika-25 ng Enero 2023.
Natukoy ang mga pangunahing mga subject person na naitala bilang mga High Value Individual na sina Alony Tribo Leonor, alyas “Bata”, 47, at ang kapatid nitong si Elmer Tribo Leonor, alyas “Nonoy”, 37 at pawang mga residente ng nasabing lugar.
Ang pag-aresto ay ginawa matapos iabot ng mga subject person ang isang sachet ng hinihinalang shabu sa isang poseur buyer sa halagang Php20,000.
Dagdag pa, sa naturang transakyon ay naaktuhan din ang 7 hanggang 9 na katao ang pagsasagawa ng “pot session” habang ang iba naman ay naghihintay sa labas na mga parokyano ng nasabing ilegal na droga.
Sa pagkakaaresto ng dalawang pangunahing subject person ay narekober ng mga operatiba ang 19 na piraso ng heat-sealed transparent plastic sachet na naglalaman ng hinihinalang shabu na tumitimbang ng humigit kumulang 135 gramo na nagkakahalaga ng Php918,000.
Samantala, pinuri naman ni Police Brigadier General Leo M Francisco, Regional Director ng PRO6, ang mga operatiba sa matagumpay na anti-illegal drug operation.
Aniya, “There will be no letup in our crusade against illegal drugs. We will further intensify and target high-value drug personalities in Western Visayas. Kasama po namin kayo sa tagumpay ng kampanyang ito, together we will suppress the illegal drug activities here in Western Visayas through your information given to my policemen”.
Ang mga naarestong suspek ay nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
