Kalinga – Tinatayang Php14,800,000 na halaga ng marijuana ang nadiskubre ng Kalinga PNP sa dalawang plantasyon sa Loccong, Tinglayan, Kalinga nito lamang Enero 26, 2023.
Ayon kay Police Colonel Charles Domallig, Provincial Director ng Kalinga Police Provincial Office, dalawang grupo ng mga operatiba ang nagsagawa ng marijuana eradication na kinabibilangan ng PIU/PDEU (Team Charlie), 141st SAC, 14SAB, RIU, PDEA, Lubuagan MPS, Tinglayan MPS, PDEA Kalinga at (Team Alpha) PIU/PDEU, 2nd KPMFC, RMFB, PDEA, Pasil MPS, Balbalan MPS, Tanudan MPS at Tinglayan MPS na nagresulta sa pagkakadiskubre ng dalawang plantasyon.
Ayon pa kay PCol Domallig, nadiskubre sa isang plantasyon ang 10,000 piraso ng Fully-Grown Marijuana Plants (FGMP) na may Standard Drug Price na Php2,000,000 at sa ikalawang plantasyon na 64,000 piraso ng FGMP na may SDP na Php12,800,000. Sa kabuuan Php14,800,000 halaga ng marijuana ang nadiskubre ng mga kapulisan.
Agad namang binunot at sinunog ng mga operatiba ang mga nadiskubreng marijuana plants at walang nahuli na marijuana cultivators.
Ang Kalinga PNP ay patuloy sa pagpapaigting ng kampanya kontra ilegal na droga at magbigay serbisyo publiko para sa kaayusan at kapayapaan ng nasasakupan.
