Dipolog City – Kaloboso sa pinagsanib na pwersa ng mga tauhan ng Baungon Municipal Police Station at Dipolog City Police Station ang Top 1 Municipal Most Wanted Person sa kasong Statutory Rape nito lamang Martes, ika-24 ng Enero 2023.
Kinilala ni Police Lieutenant Edgar Apog, Officer-In-Charge ng Baungon Municipal Police Station, ang suspek na si alyas “Jeff”, 46, karpintero at residente ng Purok 2, Brgy. Imbatug, Baungon, Bukidnon.
Ayon kay PLt Apog, dakong 1:35 ng hapon nadakip ang suspek sa Father Patangan Road, Barangay Sta. Felomina, Dipolog City sa bisa ng Warrant of Arrest sa kasong Statutory Rape na walang rekomendadong piyansa.
Patuloy ang pagsasagawa ng operasyon ng Pambansang Pulisya para mahuli ang mga Wanted Persons sa bawat nasasakupan upang makamit ang kaayusan at kapayapaan na magdadala sa kaunlaran.
Panulat ni Patrolman Joshua Fajardo/RPCADU10
