Sulu – Matagumpay na nagsagawa ng Community Outreach Program ang mga tauhan ng Jolo Airport Police Station sa pamamagitan ng feeding activity sa limampu’t apat (54) na mga mag-aaral sa ika-6 na baitang ng Port Area Elementary School, Brgy. Walled City Jolo, Sulu nito lamang umaga ng Enero 24, 2023.
Ang naturang aktibidad ay pinangunahan ni PCMS Janjan J Alfad, kaagapay sina Ms. Marianne J Buddick ng BAA Airport Security at Hja. Sherin Hariza H Asammil, Teacher-In-charge sa naturang paaralan.
Ito ay may hangaring maiparamdam sa komunidad ang Malasakit ng kapulisan sa mamamayan tungo sa Kaunlaran, sa pamamagitan ng pagtulong sa kapwa kahit sa simpleng paraan.
Dagdag pa rito ang pagpapanatili ng maganda at matibay na ugnayan at samahan ng kapulisan at pamayanan upang makamit ang mga hangarin ng Programa ng Pambansang Pulisya ng Pilipinas na Malasakit, Kaayusan, Kapayapaan, tungo sa Kaunlaran (M+K+K=K).
