Laguna – Arestado ang isang lalaki na kabilang sa Municipal Most Wanted Person ng Vinzons, Camarines Norte sa kasong Kidnapping in relation to RA 7610 sa isinagawang Manhunt Charlie Operation ng Camarines Norte PNP at Bay PNP sa Silang Street, Barangay Bitin, Bay, Laguna nito lamang Lunes Enero 23, 2023.
Kinilala ni Police Major Arkhemedes Garcia, Chief of Police ng Vinzons Municipal Police Station, ang suspek na si alyas “Josh”, 39, binata, isang magsasaka at residente ng Purok 1, Barangay Mangcayo, Vinzons, Camarines Norte.
Ayon kay PMaj Garcia, naaresto ang suspek sa bisa ng Warrant of Arrest ng pinagsanib na mga tauhan ng Vinzons MPS, Camarines Norte Provincial Intelligence Unit, Regional Intelligence Unit, PTT 2nd District at Bay MPS, Laguna para sa kasong Kidnapping na may kaugnayan sa RA 7610 na walang rekomendadong piyansa.
Ang Pambansang Pulisya ay patuloy sa pagsasagawa ng ganitong operasyon upang mahuli ang mga taong nagtatago sa batas at mabigyan ng hustisya ang mga taong naging biktima nito.
Source: Camarines Norte PPO
