Maguindanao – Nagsagawa ng feeding program ang mga tauhan ng Pagalungan Municipal Police Station sa mga kabataan ng Brgy. Damalasak, Pagalungan, Maguindanao noong Enero 23, 2023.
Pinangunahan ni Police Lieutenant Datumasla Mangalangkat, Officer-In-Charge, Pagalungan MPS, ang nasabing aktibidad bilang pagpapahalaga sa mga kabataan at makabawas sa malaking porsyento ng malnutrisyon sa bansa.
Laking tuwa ng mga kabataan ng nasabing barangay sa inisyatibo ng mga kapulisan sapagkat hindi lang tiyan ang kanilang binusog konti ang puso at isipan ng mga batang naging benepisyaryo ng aktibidad.
Samantala, ang aktibidad na ito ay alinsunod sa programa ng Hepe ng Pambansang Pulisya na MKK=K o Malasakit, Kaayusan, Kapayapaan tungo sa Kaunlaran na naglalayong mas mapagtibay ang ugnayan ng PNP at komunidad para sa mas ligtas at maayos na pamayanan.
Panulat ni Pat Mark Vincent Valencia
