Misamis Oriental – Arestado ng 1001st Maneuver Company ng Regional Mobile Force Battalion 10 at Salay Municipal Police Station ang dating miyembro ng Communist Terrorist Group (CTG) sa ikinasang Manhunt Charlie Operation sa Brgy. Alipuaton, Salay, Misamis Oriental nito lamang Martes, ika-24 ng Enero 2023.
Kinilala ni Police Captain Larsam Radjilul, Company Commander ng 1001st Maneuver Company, Regional Mobile Force Battalion 10, ang suspek na si alyas “Berto”, dating miyembro ng SDG Samsung Guerilla Front Huwaei SRC 1, NCRMRC at Hinig-usang Mag-uuma sa Lagonglong o HIMALAG sa ilalim ng Rebulosyunaryong Organisasyong Lumad, 71, at residente ng naturang barangay.
Nadakip ang suspek dakong 7:30 ng gabi sa bisa ng Warrant of Arrest sa kasong Direct Assault in relation to Rebellion na walang rekomendadong piyansa.
Ang pagkakadakip sa suspek ay epektibong resulta sa pagganap ng Police Regional Office 10 ng sinumpaang tungkulin na mapanatili ang kaayusan at kapayapaan sa kanilang nasasakupan upang makamit ang kaunlaran.
Source: 1001st Maneuver Company, Regional Mobile Force Battalion 10
Panulat ni Patrolman Joshua Fajardo/ RPCADU10
