Misamis Oriental – Timbog ang Top 7 PNP/PDEA (Provincial Level) Target List sa isinagawang Search Warrant Operation ng mga awtoridad sa Purok 5, Brgy. 20, Gingoog City, Misamis Oriental nito lamang Enero 24, 2023.
Kinilala ni Police Lieutenant Colonel Cecelio Orcullo, Officer-In-Charge ng Gingoog City Police Station, ang suspek na si alyas “Niko”, 28 at residente ng naturang lugar.
Ayon kay PLtCol Orcullo, bandang 5:25 ng umaga nadakip ang suspek sa isinagawang joint operation ng mga operatiba ng Gingoog City Police Station – City Drug Enforcement Team katuwang ang Regional Intelligence Unit 10 at 1001st Maneuver Company, Regional Mobile Force Battalion 10 sa bisa ng Search Warrant No. SW-01-2023.
Nakumpiska sa naturang operasyon ang 14 na pakete ng hinihinalang shabu na may timbang na 0.732 gramo na may Standard Drug Price na Php4,977.60, isang aluminum foil at Empty Winston Cigarette pack.
Nahaharap ang suspek sa kasong paglabag sa Art. II Sec 11 ng RA 9165 o Comprehensive Dangerous Drugs Act of 2002.
Ang pagkakadakip sa suspek ay bunga ng pagsisikap ng Police Regional Office 10 na paiigtingin ang kampanya laban sa ilegal na droga at kriminalidad sa kanilang nasasakupan.
Source: Gingoog City Police Station
Panulat ni Patrolman Joshua Fajardo/RPCADU10
