Pampanga – Ginunita ng Police Regional Office 3 ang mga alaala at binigyang pagpupugay sa ika-8th Anniversary ng Special Action Force 44 na may temang “Legacy of Heroes: Inspiration of Future Generation” na ginanap sa Camp Captain Julian Olivas, San Fernando City, Pampanga nito lamang Miyerkules, ika-25 ng Enero 2023.
Bilang paggunita sa ika-8 anibersaryo ng Special Action Force 44, nagkaroon ng wreath-laying sa pangunguna nina Police Lieutenant General Felipe Natividad, Commander ng Area Police Command Northern Luzon, at Police Brigadier General Cesar Delos Reyes Pasiwen, Regional Director ng Police Regional Office 3.
Ang ipinakitang katapangan at pag-alay ng buhay ng SAF 44 ay para sa katahimikan at seguridad ng ating bansa na kailanman ay hinding hindi makakalimutan ng buong hanay ng Pambansang Pulisya na magsisilbing inspirasyon sa bawat miyembro nito upang gampanan ang isinumpaang tungkulin sa pagpapanatili ng kaayusan, seguridad na may integridad at karangalan.
Panulat ni Police Corporal Jeselle Rivera/RPCADU3
